მინდოდა ძალიან რომელიმე ენის სწავლა, თუმცა დიდხანს ვერ ვწყვეტდი. კიდევ დიდხანს მომიწევდა ფიქრი, რომ არა ერთი „მოვლენა“: - ერთ მშვენიერ დღეს სრულიად შემთხვევით ტელევიზიით ვიხილე ცენტრ “კარმენიდან“ რეპორტაჟი - თუ არ ვცდები, კურსდამთავრებულთათვის სერთიფიკატების გადაცემა იყო.
ეს, დაახლოებით, 2009 წლის მაისში იყო. ძალიან დავინტერესდი ამ ცენტრით, და, რა თქმა უნდა, ესპანურით. როგორც კი სასწავლო წელი დაიწყო „ კარმენს“ მივადექი სიმბოლური იყო ის ფაქტი, რომ პირველი გაკვეთილი 12 ოქტომბერს მქონდა (ესპანეთის ეროვნული დღე)
რა მოგცა "კარმენმა"?
სწავლა ზოგადად დადებითი რამეა, თუმცა მხოლოდ სწავლაზე ჩემმა მტერმა იფიქრა! ჩემთვის მაინც პირველ ადგილზე ადამიანური ურთიერთობები დგას. "კარმენში" მეგობრული და უშუალო გარემო დამხვდა. თავიდან არ მეგონა თუ ასე დავუახლოვდებოდი კარმენელებს, თუმცა ყველაფერი თავისთავად მოხდა და ახლა ბედნიერი ვარ, რომ ერთ-ერთი მათგანი ვარ